जतमधे पंचप्रण शपथ, जनजागृती रॅली व महावृक्षारोपण संपन्न, राजे रामराव महाविद्यालयाच्या राष्ट्रीय सेवा योजनेच्या वतीने आयोजन

-


जत (प्रा. तुकाराम उमेश सन्नके): दि. २१. पंतप्रधान नरेंद्र मोदी यांनी हुतात्म्यांच्या स्मरणार्थ 'माझी माती माझा देश' या उपक्रमाची घोषणा केल्यानंतर केंद्र व राज्य शासनाच्या सूचनेद्वारे देशाच्या अमृत महोत्सव समाप्तीच्या निमित्ताने प्रत्येक महाविद्यालयांमध्ये विविध कार्यक्रम राबवले जात आहेत. याला प्रतिसाद म्हणून जत येथील राजे रामराव महाविद्यालयाच्या राष्ट्रीय सेवा योजना विभागाच्या वतीने महाविद्यालयामध्ये सर्व प्राध्यापक व विद्यार्थ्यांना पंचप्रण शपथ देण्यात आली. त्याचबरोबर जत शहरातून रॅली काढून पर्यावरण रक्षण, प्रदूषण नियंत्रण, प्लास्टिक मुक्ती, शाश्वत शेती, साफसफाई व स्वच्छता या संदर्भात जनजागृती करण्यात आली. यानंतर तालुका कृषी चिकित्सालय तथा तालुका कृषी कार्यालय परिसरामध्ये प्राचार्य डॉ. सुरेश पाटील यांच्या हस्ते वृक्षरोपणास सुरुवात झाली. प्राध्यापक व विद्यार्थ्यांनी मिळून तालुका कृषी कार्यालयाच्या परिसरामध्ये २००० पेक्षा जास्त विविध झाडांचे वृक्षारोपण केले.
       या वृक्षारोपण कार्यक्रमावेळी तालुका कृषी अधिकारी सुनील सातपुते यांनी विद्यार्थ्यांना मार्गदर्शन केले. ते म्हणाले, केंद्र शासनाच्या वतीने प्रत्येक शेतकऱ्यास पंतप्रधान कृषी सन्मान योजना सुरू असून याचबरोबर केंद्र व राज्य शासनाची विविध अनुदाने व कृषी विभागाच्या योजना शेतकऱ्यांसाठी सुरू असून याचा लाभ घेण्यास आपण त्यांना मदत व प्रवृत्त करावे. महाविद्यालयाचे प्राचार्य डॉ. सुरेश पाटील यांनीही उपस्थित विद्यार्थ्यांना यावेळी मार्गदर्शन केले. ते म्हणाले, महाविद्यालयाचे २५० पेक्षा जास्त विद्यार्थी आज वृक्षारोपण कार्यक्रमांमध्ये आपला सहभाग नोंदवत आहेत. कोरोना काळात ऑक्सिजनची कमतरता सर्वांना भासली. आता प्रत्येकाने एक तरी झाड लावून ते जगवले पाहिजे. नैसर्गिक ऑक्सिजन आपण झाडांपासूनच घेतो. याचाच अर्थ आपण पर्यावरणाचे व वसुंधरेचे झाडे लावून रक्षण केले पाहिजे. शासनाच्या विविध योजना व अनुदाने आपल्या शेतकरी आई-वडिलांपर्यंत पोहोचवण्यासाठी आपणही यामध्ये सहभागी व्हावे, असे आवाहनही यावेळी त्यांनी विद्यार्थ्यांना केले. 

        या पंचप्रण शपथ, जनजागृती रॅली व महावृक्षारोपण कार्यक्रमांमध्ये महाविद्यालयाचे प्राचार्य डॉ. सुरेश पाटील, राष्ट्रीय सेवा योजनेचे कार्यक्रम अधिकारी डॉ. राजेंद्र लवटे, प्रा. पुंडलिक चौधरी, प्रा. तुकाराम सन्नके, तालुका कृषी अधिकारी सुनिल सातपुते, कृषी पर्यवेक्षक संतोष दराडे, कृषी विभागाचा अधिकारी वर्ग, मंडळ अधिकारी व कर्मचारी वर्ग तसेच अंतर्गत गुणवत्ता हमी कक्षाचे समन्वयक डॉ. शिवाजी कुळाल, प्रा. कृष्णा रानगर, प्रा. कुमार इंगळे, प्रा. अतुल टिके, प्रा. प्रकाश माळी, प्रा. राजेंद्र खडतरे, प्रा. तेजस गवळी, प्रा. लता करांडे, डॉ. परमेश्वर थोरबोले, प्रा. अभिजीत चव्हाण, प्रा. अनुप मुळे, प्रा. धनंजय वाघमोडे तसेच राष्ट्रीय सेवा योजनेचे सर्व स्वयंसेवक विद्यार्थी यामध्ये सहभागी झाले.

Comments

Post a Comment

Popular posts from this blog

राजे रामराव महाविद्यालय जत येथे विविध अभ्यासक्रमांना प्रवेश सुरू

-
Image
अकरावी, पदवीत्तर ते पीएचडी शिक्षणाची सोय; जत तालुक्यातील एकमेव अनुदानित महाविद्यालय अशी ओळख जत प्रतिनिधी: दि. १२. येथील श्री स्वामी विवेकानंद शिक्षण संस्था कोल्हापूरचे राजे रामराव महाविद्यालय या जत तालुक्यातील एकमेव अनुदानित महाविद्यालयांमध्ये शैक्षणिक वर्ष २०२४-२५ साठी प्रवेश सुरू झाले आहेत. यामध्ये कनिष्ठ विभाग कला, वाणिज्य व विज्ञान शाखा, वरिष्ठ विभाग कला, वाणिज्य, विज्ञान व बीसीए यांचा समावेश आहे. याचबरोबर रसायनशास्त्र व भौतिकशास्त्र या पदव्युत्तर अभ्यासक्रमासाठी सुद्धा प्रवेश सुरू झाले असून जत तालुक्यातील विद्यार्थ्यांनी आपला प्रवेश अर्ज योग्य कागदपत्रासह महाविद्यालयामध्ये सादर करावा, असे आवाहन महाविद्यालयाचे प्राचार्य डॉ. सुरेश पाटील यांनी केले आहे. अधिक माहिती सांगताना ते म्हणाले, अवर्षणग्रस्त अशा जत तालुक्यात ज्ञानाची गंगोत्री वाहत राहावी व प्रत्येक घरात ज्ञानाच्या सूर्याचा लख्ख प्रकाश पडावा या उदात्त हेतूने तसेच ज्ञान विज्ञान आणि सुसंस्कार यासाठी शिक्षण प्रसार हे ध्येय उराशी बाळगून शिक्षण महर्षी डॉ. बापूजी साळुंखे व जत संस्थानचे भूतपूर्व नरेश श्रीमंत वि...
Read more

राजे रामराव महाविद्यालयात पारंपारिक दिन संपन्न

-
Image
विद्यार्थ्यांच्या कलागुणांना वाव देणारा सांस्कृतिक कार्यक्रम उत्साहात साजरा जत (प्रतिनिधी): दि. १६. येथील राजे रामराव महाविद्यालयाच्या सांस्कृतिक विभाग व अंतर्गत गुणवत्ता हमी कक्ष यांच्या संयुक्त विद्यमाने महाविद्यालयीन विद्यार्थ्यांच्या कलागुणांना वाव देण्याच्या दृष्टीने पारंपारिक वेशभूषा दिन व सांस्कृतिक कार्यक्रमाचे आयोजन करण्यात आले होते. या कार्यक्रमाला विद्यार्थ्यांनी दिलेल्या उत्स्फूर्त प्रतिसादामुळे कार्यक्रम उत्साहात पार पडला. यावेळी विद्यार्थ्यांनी वेगवेगळ्या वेशभूषा परिधान करून पारंपारिक दिन साजरा केला. यामध्ये कोळी पेहराव, केरळी पेहराव, आदिवासी पेहराव, दक्षिण भारतीय पेहराव, धनगरी पेहराव, वारकरी पेहराव इत्यादी वेशभूषांचा समावेश होता. यामध्ये कनिष्ठ व वरिष्ठ महाविद्यालयातील विविध शाखेतील विद्यार्थी सहभागी झाले होते.       या कार्यक्रमाप्रसंगी महाविद्यालयाचे प्राचार्य डॉ. सुरेश पाटील यांनी विद्यार्थ्यांना मार्गदर्शन केले. ते म्हणाले, पारंपारिक वेशभूषेचे ज्ञान आजच्या पिढीला व्हावे. आपली परंपरा व संस्कृती याचा अभ्यास आजच्या तरुण पिढीने करावा...
Read more

गुरू-शिष्य ही प्राचीन परंपरा: प्राचार्य डॉ. सुरेश पाटील

-
Image
जत (प्रा. तुकाराम उमेश सन्नके) : दि. ५. गुरु म्हणजे ज्यांच्याकडून काहीतरी चांगलं शिकायला मिळतं. प्राचीन काळी गुरुकुलात गुरू केवळ शिक्षणच देत नसत तर शिष्यांच्या सर्वांगीण विकासासाठी प्रयत्न करीत असत. त्या काळी गुरूला खूप महत्त्व होते. आजही तेच आहे, परंतु परिस्थितीनुसार गुरु शिष्य परंपरेची व्याख्या करताना काही बदल झाले आहेत.  अलीकडच्या काळात शाळा, महाविद्यालय व शिकवणी वर्ग चालवणारे, आधुनिक विज्ञान व तंत्रज्ञान याचे शिक्षण देणारे, नृत्य, वाद्य, संगीत व शारीरिक शिक्षण या कला शिकवणारे सुद्धा शिक्षकच आहेत. त्यामुळे गुरु-शिष्य ही प्राचीन भारतीय परंपरा आहे, असे प्रतिपादन प्राचार्य डॉ. सुरेश पाटील यांनी व्यक्त केले. ते राजे रामराव महाविद्यालय, जत येथे राष्ट्रीय शिक्षक दिनानिमित्त सांस्कृतिक विभाग व अंतर्गत गुणवत्ता हमी कक्ष यांच्या संयुक्त विद्यमाने आयोजित शिक्षक दिन कार्यक्रमात प्रमुख पाहुणे म्हणून बोलत होते. यावेळी अंतर्गत गुणवत्ता हमी कक्षाचे समन्वयक डॉ. शिवाजी कुलाळ व सांस्कृतिक विभागप्रमुख डॉ. अशोक बोगुलवार उपस्थित होते.           अ...
Read more